→ كل الوصفات

نيجرسكو

شويق تكات جديده فيها🙈

  • 0.5 كيس مكرونه سباجتى
  • صدور فراخ مخليه مقطعه مكعبات كميه مناسبه لحجم الصينيه
  • 3 معالق زبده
  • 3 معالق دقيق
  • 2 كوب لبن
  • فلفل رومى
  • فصين ثوم
  • فلفل اسود
  • زعتر
  • بصل
  • ملعقه صويا صوص كبار
  • ملح
  • شطه حاره سائله و كاتشب ❤️اختيارى❤️
  • جبنه موتزرلا و شيدر و رومى و برمزان وممكن نوع واحد منهم مع الموتزرلا
  • ملعقه خل
  1. اسلقى المكرونه و ضعيها فالصينيه و عليها كاتشب و شطه و قلبيها
  2. البشاميل ًًًً٠٠ ٣ معالق زبده و ٣ معالق دقيق يقلبو حتى حدوث فقعات و ننزل باللبن و نقلب بس خليه خفيف مش سميك و حطيه على المكرونه و قلبيها بيه مع رشة جبن ماعادا الموتزرلا
  3. نجيب طاسه و فيها قليل من الزيت نسخنهم بعد منكون تبلنا الفراخ بخلطه البصل و الثوم و الفلفل الرومى مضروبين فالكبه و معاهم نقطه خل و معلقه صويا صوص و ملح و فلفل و زعتر و نشوحها كويس جدا لحد متاخد لون الشوي بعد كده نغطيها بشويه مية لحد متستوى تماما
  4. حنزل بالفراخ و الصوص البنى اللى فضل منها على المكرونه و اقلبها كويس و اراعى توزيع الفراخ فالصينيه
  5. نعمل بقا بشاميل عادى ٦ معالق زبده و دقيق عند حدوث فقاعات ننزل باللبن و رشة ملح و فلفل و هنا حيكون سميك ونغطى بيه المكرونه
  6. نرش كل الجبن عالوش مع الموتزرلا و ندخلها الفرن و لما تطلع قطعيها بعد متبرد شويه عشان متفكش و تكون متماسكه و ملحوظه ممكن نحط فالبشامل توم بودره بيدى طعم جميل و الف هنا و شفا
عجبتك الوصفة؟
شوف كل وصفاتنا في مكان واحد
كل الوصفات →