→ كل الوصفات

نيوكي (معكرونة البطاطس) للدايت

#حملة_التشجير #مع_نور

  • 4 حبات بطاطس حجم متوسط
  • 6 معالق كبيرة نشا
  • 1/4 معلقة صغيرة ملح
  • للصوص
  • معلقتين كبار زيت الزيتون
  • فصين ثوم
  • 1/4 معلقة صغيرة ملح
  • 1/4 معلقة صغيرة فلفل اسود
  • رشة ريحان أو زعتر حسب الرغبة
  • 1/4 كوب صلصة طماطم بيتي
  • 1/4 كوب ماء سلق النيوكي
  1. نسلق البطاطس بالقشرة لحد ما تستوي ونقشرها
  2. نهرس البطاطس كويس اوي
  3. نضيف النشا بالتدريج والملح
  4. نعجن لحد ما تتكون عجينة متماسكة
  5. نفردها على سطح مرشوش بالنشا على شكل اصبع ونقطعه لمربعات صغيرة
  6. باستخدام الشوكة نأخذ كل مربع صغير ونضغطة برفق على الشوكة ونلمه علشان يدينا شكل النيوكي المشهور وعلشان الصوص يمسك عليه
  7. نغلي ماء كثير على النار بس يكون الغليان بطىء علشان حبات النيوكي متتكسرش
  8. نلاحظ أن النيوكي هبطت لتحت في قاع الحلة بمجرد ما تطفو على سطح الماء تكون استوت وننشلها في طبق على جمب
  9. ممكن عمل اي صوص زي المعكرونة العادية انا عملت صوص احمر قطعت فصين ثوم على زيت الزيتون
  10. ثم نضيف صلصة الطماطم البيتي والملح والفلفل ونقلب
  11. نضيف ماء سلق النيوكي ونقلب
  12. نضيف النيوكي ونقلب خفيف اوي لان النيوكي بتكون هشة وممكن تتكسر ثم تقدم بالهنا
  13. وبكدة تكون أكلنا معكرونة صحية بدون دقيق وممكن إضافة بيضة للعجينة بس هنزود مقدار النشا اكتر لحد ما تتعجن
عجبتك الوصفة؟
شوف كل وصفاتنا في مكان واحد
كل الوصفات →