→ كل الوصفات

همبرجر - Hamburger🍔😋

تقدرو في مكان حليب الغبرة ديرو زوج كيسان حليب سائل دافي بدل الماء الدافي

  • 2 ملاعق كبار سكر
  • ملعقة كبيرة خميرة الخبز
  • ملعقة حليب غبرة
  • 6 ملاعق زيت
  • بيضة كاملة
  • 2 كيسان ماء دافي
  • ملعقة صغيرة ملح
  • ملعقة صغيرة خميرة كيميائية
  • فرينة {حسب العجينة وحسب نوعية لفرينة لي عندكم }
  • ملعقة كبيرة مرغرين
  • شرائح الطماطم
  • شرائح اللحم {دجاج أو لحم أحمر }
  • شرائح الجبن
  • سلاطة 🥬
  • مايونيز
  • عيدان لتزيين
  1. الطريقة الاولى:{العجينة}: نبدأ في تحضير النواشف 2 كيسان فرينة و 2ملاعق سكر وملعقة كبيرة خميرة الخبز و ملعقة حليب غبرة، ونزيدولهم 6ملاعق زيت وبيضة و2كيسان ماء دافي وليس ساخن باه ماطيبش البيضة وتخسرو لعجينة تاعكم ونخلطو مليح ونغطوه نخلوه يختمر لمدة 15دقيقة، و بعد15دقيقة نكملو نضيفو الفرين حتان (حتى) تتلم لعجينة
  2. وبعدها زيديلها ملعقة كبيرة مرڨرين طرية واعجني لمدة 3دقائق حتى ماتوليش تتلاسق وتميل للون الأبيض تقريبا، وبعدها أقسميها حسب الكمية لي تحبي كريات و اخبزيهم شويا برك فلبلا تاعك فوق ورق الزبدة
  3. بعد ماتخبزيهم فوق ورق الزبدة غطيهم بلمنديل وخليهم يزيدو يخمرو شويا وامبعد أدهنيهم بالحليب فيه قهوة وضفيلو جلجلانية و حبة البركة وحطيه يطيب على نار متوسطة 🥰
  4. الطريقة الثانية:{التزيبن}: بعد مايطيب الخبز نخلوه يبرد ونقسموه على زوج و نطليه بلمايوناز و نضيفولو السلاطة🥬وبعدها شرائح اللحم🥩{لحم مرحي وفيه بصلة مرحية وبيضة وملح } و بعدها شرائح الجبن 🧀وبعدها شرائح الطماطم🍅 وبعدها نغلق الخبز و نثبتو بعيدان التزيين ونحطوه في صحن التقديم ويبقى التزيين إختيراكم وشهية طيبة 🙂😋🍔
عجبتك الوصفة؟
شوف كل وصفاتنا في مكان واحد
كل الوصفات →