→ كل الوصفات
#سندويشات_سريعة
المقادير
- للعجينة
- كاس ماء دافئ
- كاس زيت
- باطة ياغورت طبيعي أو 2 مغارف كبار حليب لحظة (حليب بودرة) ( حليب بودرة)
- مغرفة كبيرة خميرة
- مغرفة صغيرة سكر
- فرينة (طحين او دقيق) حسب الحاجة
- مغرفة صغيرة ملح
- صفار بيضة مع شوي قهوة
- سينوج (حبة البركة)
- صدر دجاج
- مغرفة صغيرة فلفل اسود
- مغرفة صغيرة ملح
- مغرفة صغيرة كركم
- مغرفة صغيرة سكنجبير (زنجبيل)
- ½ حبة بصل
- 3 سنينات ثوم
- سلاطة
- قطع فرماج (جبنة)
- فرماج (جبنة) همبورغر
- طماطم
طريقة التحضير
- بعد بسم الله نحط نحضر لعجينة ندير الماء والزيت والايورت ونخلط مليح ونزيد الخميرة والسكر ونزيد الفرينة والملح ونبدا نلم بشوي حتى تتلم خليها شوي تتلاسق في اليد ونغطيها ونخليها تختمر كي تختمر نشكلهم دوائر ونبسطهم شوي وندهنهم بصفار بيضة وشوي سينوج (حبة البركة) وتخليهم يطيبو كي يطيبو نخرجهم ونغطيهم بكتانة مدة 3 دقيقة
- نحضر الحشو نرحي صدر دجاج مع البصل وثوم ونتبلو مليح بالتوابل ونشكلو دوائر ومبسطهم على كف ليد ونقليهم
- نقسم الحبة تاعي تاع الهمبورغر على نص وندير فرماج (جبنة) تاع الحبات ندهن الخبز ونزيد طماطم مقطع شرائح وصدر الدجاج والسلاطة وفرماج همبرغر ونغلق عليه بالكيردو ونكمل جميع الحبات ونقدمهم وشهية طيبة 😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد