→ كل الوصفات
غدا سريع همبرغر فلافل لذيذ وصحي وطيب واقتصادي 😻😻☺️ ونباتي 😉 كنت بدور على نت على فلافل صحي ام طلعت معي هي طريقة لذيذة وشهية 🤩😋 انشالله تجربوها وتعجبكن ☺️
المقادير
- كاستين حمص
- 0.5 جرزة بقدونس
- بطرف ملعقة بيكربونات صوديوم
- معلقة كبيرة كزبرة ناشفة
- معلقة كبيرة كمون
- معلقة صغيرة بابريكا
- رشة ملح
- بصلة وسط
- 4 حبات ثوم
- قرن صغير فليفلة اخضر
- 2 حبة بيض
- 4 ملاعق شوفان صديقنا صدوق 😂😂 بعطنا شبع طول اليوم ومفيد للشعر والجسم
- علبة لبن زبادي
- معلقتين كبار كذبري مفرومة
- ملح
- فلفل اسود حسب رغبة
- سن ثوم مدقوق مع ملعقة زيت زيتون صغيرة مليانة
- ومنحتاج كمان
- خس شي 6 ورقات
- بصلة وسط
- ملعقة كبيرة خل
- شرائح بندورة
- 2 شريحة جبنة همبرغر
طريقة التحضير
- اول خطوة منحط الحمص والمي ومنخليهن ليلة كاملة يعني شي 8 ساعات او ١٢ ساعة
- بعد هي مدة. منصفيهن منيح من الماء ومنحط بالخلاط كاسة ماء وحمص ومنخفقهن منيح كتيررررر يعني شي كم دقيقة
- بعدين منحط البصل مقطع ارباع وتوم مقطع بالنص ومنحطهن فوق الحمص ومنخفقهن شي 2 دقيقة وبعدين منحط البقدونس وفليلفة مقطع قطع صغيرة ومنخفقهن منيح كمان كم دقيقة
- وبعدين منصفهن منيح من الماء لانو حطنا كاسة ماء
- وبطبق منحط الخليط ومنحط عليه البهارات والبيض وملعقتين شوفان ومنحركهن منيح كتيررررر ومنحط ملعقتين شوفان ومنحركهن منيح كتيررررر وهيك خلطة خلصت
- طريقة تشكيل. منجيب غطا مدور ومنحط عليه نايلون ومنحط شي ملعقتين كبار من الخلطة
- بصينية منحط قصدير او ورق شمع او رق زبدة حسب الموجود ومندهن الورقة زيت لازم نكتر شوي كمية مشان ما يلزقو ويطلع فلافل ورق ،، هي خطوة مهمة وهي بس دهون فيها
- ومنحط عليهن فلافل يلي عملنا وكل كمية منكملها متل اول قطعة او بدنا منشكلهن بايدين
- وإذا منحب بس نشكل كمية نحط عليهن سمسم شوي قبل الفرن سمسم مفيد للبشرة والشعر ومصدر كالسيوم
- وبعدين على الفرن من فوق ومن تحت لحتى يستوي منيح. وإذا ما بدنا نعملهن دغري نحطهن بالبراد شوي ما بيسر شي
- بالاثناء منحضر صلصة ،، منحط لبن زبادي وملح وفلفل اسود وسن ثوم مهروس وزيت زيتون ومنحركهن منيح وخلصت
- وخضار منقطع الخس رفيع كتيرررر والبصل مقطع شرائح ومنحط عليه ملح وفلفل اسود والخل ومنحركهن منيح
- بيكون استوا فلافل كمية طلعت معي ١١ حبة
- مندهن شريحة خبز همبرغر من صلصة زبادي وخس والبصل وفلافل
- وجبنة وشريحة بندورة
- ومنحطهن بسخانة لحتى تسيح جبنة شي 5 دقائق او اكتر
- وصحة والف هنا على قلبكم يااااارب 💚😍☺️
- رهيب 😜😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد