→ كل الوصفات

همبرغر

الحمد لله ربي شفاني و درت هذي الوصفة فرحت بيها ولادي و اول حاجة درتها زرت والديا ربي يحفظهملي ويحفظ كل الاباء 🙏

  • كأس حليب دافئ
  • كأس ماء دافئ
  • 1/4 كأس زيت
  • ملعقة كبيرة ونصف سكر
  • ملعقة كبيرة خميرة الخبز
  • ملعقة صغيرة خميرة الحلوى
  • بيضة
  • ملح
  • فرينة باش تلمي العجينة
  • كمية من الدجاج المرحي(نصف رطل)
  • حبة بصل صغيرة مسكرفجة
  • ملح
  • 1/2 ملعقة كبيرة زبدة
  • 1/2 حبة بيض او حبة صغيرة
  • توابل حسب الرغبة (فلفل اسود وعكري.كمون.كسبر....)
  • دوائر الطماطم
  • جبن ابيض او جبن المثلثات
  • أوراق السلطة
  • جبن المربعات(السندويش)
  • مايونيز
  1. اولا تحضير العجينة:حضري المكونات
  2. في إناء حطي الحليب والماء والسكر و خميرة الخبز وخلطي بالفوي ثم غطي الإناء و خليها تختمر من 4 الى 5 دقائق ثم ضفيلها الزيت والبيض وخلطي ثم ضفي خمارة الحلوى ولميها بالفرينة بحيث تكون تلتصق ادلكيها حتى تتلم مليح وتتكون لديك عجينة طرية
  3. ثم دعيها تختمر وتطلع مليح و كي تختمر قسميها إلى كرات بحجم 90غ الكرية الواحدة واذا حبيتيهم صغار ديري 50الي 60 غ ثم اتحفيهم و حطيهم في صينية الفرن و بسطيهم بيدك شوية و خليهم يزيدو يرتاحو شوية ثم اطليهم بالقليل من البيض و الكثير من الحليب و دردري عليهم الجلجلان او حسب الاختيار و دقيقة خليهم للفرن مسخن من قبل على 200درجة حتى يطيبو و حمريهم من الاعلى
  4. ثم حضري دوائر الدجاج بخلط كل المكونات المذكورة سابقا مع بعض و شكلي دوائر و طيبيهم في مقلاة فيها ملعقة او 2 زيت فقط و حمريهم
  5. ثم وجدي كل مكونات الحشو وعمري خبز البرغر و قدميه
  6. شهية طيبة
عجبتك الوصفة؟
شوف كل وصفاتنا في مكان واحد
كل الوصفات →