→ كل الوصفات
مسيتكم بالخير حبيباتي🌺هاد الوصفة حبيباتي هي في الاصل تاع بريوش راهو في صفحتي وكي عاد يجي خفيف انا عدلتها خرجتلي هاد الخبز الرائع انشاء الله يعجبكم
المقادير
- فرينة حسب الحاجة
- كاس حليب دافئ
- كاس ماء
- 1/4 كاس زيت
- 2 ملاعق زبدة
- ملعقة خميرة العجين
- 2 ملاعق كبار سكر
- ملح
- حبة بيض
- للتزيين
- حبة بيض
- ملعقة صغيرة خل
- سانوج جلجلان حبة حلاوة
- للحشو
- كمية دجاج مفروم
- حبة بصل
- معدنوس
- جبن
- طماطم
- هريسة
- ملح وفلفل اسود حسب الرغبة
طريقة التحضير
- ناخد اناء نحط فيه السكر والخميرة والماء والحليب نخلطهم ونغطيهم بساشي ونخليهم يتفاعلو، بعدها نضيفلهم الزيت والملح والبيض والفرينة ونطم العجينة حتى نحصل على عجينة طرية و تتلاسق بزاف ثم نضيفلها الزبدة وندخلها فيها ثم نغطيها ونخليها تخمر
- ناخد العجينة نهبطلها الخميرة و نشكلها كويرات صغار ونحطهم في صينية فيها ورق الطهي ثم ندهنهم بالبيض مع شوية خل ونرش عليهم السانوج والجلجلان ونخليهم يزيدو يخمرو شوية ونطيبهم على نار قليلة
- نحضر الحشو نحط الدجاج المفروم مع بصل مقطع ومعدنوس و ملح فلفل اسود نخلطهم ونشكلهم كويرات صغار ونقليهم في زيت ساخن ثم نفتح االخبز ندير فيه الجبن والطماطم والهريسة والبصل وكويرات الدجاج
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد