→ كل الوصفات

وجبة سمك بربونى بكل تفاصيلها 🐠🐟

#بورسعدية واعشق بلدى وأحب السمك

  • 2 كيلو سمك بربونى
  • مقادير تتبيلة السمك
  • 2 راس ثوم فصوص وربع كوب خل
  • معلقة شطة صغيرة مليانة
  • معلقة بهارات سمك صغيرة مليانة
  • معلقة بابريكا صغيرة مليانة
  • معلقة كمون كبيرة
  • معلقة كبيرة ملح
  • ½ معلقة فلفل اسود
  • ½ معلقة صغيرة كاري
  • مقادير الارز الصيادية
  • كوب ارز بسمتى
  • معلقة صغيرة بهارات لحمة
  • معلقة صغيرة فلفل اسود
  • معلقة صغيرة بابريكا معلقتين صلصة
  • ½ معلقة صغيرة كسبرة ناشفه
  • ½ معلقة صغيرة كمون
  • ½ معلقة زعتر جاف
  • ½ معلقة صغيرة كارى
  • ¼ معلقة صغيرة شطة
  • بصلة صغيرة مبشورة
  • 3 مكعب مرقة دجاج خضار
  • 2 معلقة كبيرة صويا صوص
  • ¼ معلقة من تتبيلة السمك من الثوم
  • معلقة كبيرة زيت زيتون او نباتى
  • مقادير الارز الابيض
  • كيلو رز أبيض
  • ¼ كوب صغير زيت نباتى حوالى
  • معلقة كبيرة ملح
  • معلقتين خل كبيرة
  • مقادير السلطة البسيطة
  • ½ كيلو طماطم جامدة قوى
  • ½ كيلو خيار
  • ½ معلقة من ثوم تتبيلة السمك
  • معلقة صغيرة كمون
  • معلقة صغيرة فلفل اسود
  • معلقة صغيرة سماق
  • معلقة كبيرة ملح
  • معلقتين زيت زيتون
  • عصير 3ليمون كبيرة
  • مقادير الغلاف للسمك///
  • 3 كوب دقيق ابيض كبيرة
  • ½ كوب نشا
  • معلقة بيكنج بودر كبيرة
  • معلقة ملح كبيرة
  • معلقة صغيرة كمون
  • معلقة صغيرة بابريكا
  • معلقة صغيرة كارى
  • معلقة صغيرة بهارات سمك
  • معلقة صغيرة فلفل أسود
  • زيت نباتى للقلى
  • ليمون للتقديم
  • طبق خل صغير دقة للسمك مع الاكل
  1. بسم الله الرحمن الرحيم//اول حاجة ننظف السمك جيدا بطريقة نقع السمك فى ماء ودقيق وعصير ليمون وملح لمدة ربع ساعة ونقوم بشطف السمك جيدا ونضعة فى مصغاة
  2. نحضر التتبيلة ناخذ كل المكونات نخلطها مع الثوم فى المدق مش فى الكبة عشان عايزة التتبيلة سميكة ميكنش فيها ماية وهى كدة بتعطى طعم احلى للسمك و ملحوظة بضع الخل فوق السمك مباشرة نتبل السمك جيدا بالتتبيلة ونضع فوقة ربع كوب خل ونتركة حوالى ساعة فى التتبيلة
  3. نحضر السمك ونقوم بوضعة فى الدقيق المتبل ونقوم بتشكيك السمك بمعنى لو السمك كبير بتلزق اثنين مع بعض ولوالسمك صغير بنلزق ثلاثة مع بعض ونضعة فى الزيت مع التقليب على الوجهين مثل ما فى الصورة
  4. طريقة الارز الصيادية الجديدة سهلة جدا ومش متعبة نحضر حلة صغيرة ونضع فيها مرقة الدجاج وكل البهارات والصلصة ونتركها تغلى والصويا صوص انا هنا عملة كوب رز بسمتى هضع فى الحلة ٢كوب ماء بارد ونتركهم يغلو على النار ) نقوم بوضع معلقة الزيت مع البصل في الحلة والثوم ونتركهم ياخدوا لون بنى خفيف ونقوم بوضع الارز بدون غسيل ونقلبة جيدا وبعد ذلك نضيف فوقة الماء المغلى بالبهارات والصلصة والصويا صوص ومش هنضع ملح خالص عشان مرقة الدجاج قيها ملح بجد كان طعمة تحفة احلى من الارز الصيادية العادى
  5. لون ماء الارز اصبح بنى من قبل لما نضعة على الارز داء غير الطعم مرقة الخضار طعمها حلو قوى مع الارز البنى
  6. الارز الابيض/// نضع الزيت يقدح ونغسل الارز جيدا ونضعة فوق الارز والملح ونقلب جيدا ونضع فوقةخمسة كوب ماء مغلى عشان داء معيار كيلو الأرز الأبيض وفى رز مصرى بياخد ماية اقل لما يكون الارز لسة جديد دى معلومة مهمة ونضع فوق الماء معلقتين الخل بيخلو لونة ابيض وطعمة احلى وبيضيع طعم النشا لفى الارز ويترك ليتشرب ونهدى النار عليه حتى النضج
  7. السلطة الخفيفة//نقطع الخيار والطماطم مكعبات صغيرة و نحضر طبق ونعمل فيه التتتبيلة بوضع المكونات فوق بعض وبعد ذلك نضعها فوق السلطة عند التقديم عشان متدبلش
  8. طريقة قلى السمك من برة كرسبى ومن الداخل طرى
  9. وجبة رمضانية خفيفة وجميلة جدا
  10. دقة الخل بقدمها عندنا مع السمك يعنى بيغطس السمكة فى الخل وداء السمك الوحيد لبنعمل فيه كدة عشان الخل بيعطية طعم لازع الله عليكى يا بورسعيد
عجبتك الوصفة؟
شوف كل وصفاتنا في مكان واحد
كل الوصفات →