→ كل الوصفات

ودجز البطاطا مع دجاجة مشوية

#القادم_احلى اللهم صلّ وسلّم وبارك على سيدنـا محمـد، حبيت نشارك معاكــم اليـوم وصفــة ودجز البطاطا🥔 أو البطاطا مقرمشة في الفرن، قدّمتها مع دجاجة مشوية في الفرن تجي بزاف😋👌🏻😋 بنينة أحسن من دجاج المحلات بمراحل، نتمنى تعجبكم الطريقة، ، أمسية سعيدة أحبتي 💖💐💖

  • 6 حبات بطاطا متوسطة الحجم
  • ¼ ملعقة صغيرة فلفة حمرة حارة
  • ¼ ملعقة صغيرة كركم
  • ¼ ملعقة صغيرة فلفل أسود
  • ملعقة صغيرة تابل الشاورما
  • ¼ ملعقة صغيرة ثوم بودرة
  • رشة خفيفة من إكليل الجبل
  • 1 ملعقة صغيرة زعتر أو زعيترة محكوكة بين كف اليد
  • ملح حسب الذوق
  • 3 ملاعق كبار زيت المائدة
  • دجاجة متوسطة الحجم
  • للتتبيلة نحتاج
  • ملعقة صغيرة قصبر مطحون
  • ملعقة صغيرة سكين جبير
  • الملح حسب الذوق
  • 2 ملاعق كبار زيت
  • ملعقة صغيرة فلفة حمرة (بابريكا)
  • القليل من الهريسة
  • ½ ملعقة صغيرة كركم
  • ملعقة صغيرة توابل الدجاج
  • القليل من الثوم غبرة
  • ملعقة صغيرة موطارد
  • ¼ ملعقة صغيرة فلفل أسود
  • كاس أرز مسلوق نص سلقة
  • ورقة رند
  1. نبدأ بإسم الله، نغسل الدجاجة مليح بالماء والليمون وسكين جبير نخليها تستقطر شوية وندهنها بالتتبيلة نخليها في التتبيلة مدة ساعتين، من بعد خيطت الجوانب خليت فتحة في الوسط عمرتها بالروز وربطت الأرجل، حطيتها في كيس الشواء وغلقت عليها ودرت ثقوب في الكيس، حطيتها فوق صينية ودخلتها للفرن المسخن مسبقا على درجة حرارة متوسطة باش طيب على خاطرها، كي طابت دهنها بالزبدة وعاود رجعتها للفرن شعلت عليها من فوق مدة 10 د فقط باش يتوحد اللون، كنت 👈🏻حطيت الوصفة بالتفصيل من قبل يمكن تفقد الطريقة من خلال هذا الرابط 👇🏻
  2. من جهة أخرى نغسل حبات البطاطا مليح نقيهم ونقطعها بشكل طولي وتكون شوية غليضة ما لازمش نرققها، نحطها في إناء ونضيف عليها التوابل (الملح، فلفة حمرة حرة، تابل الشاورما ، الكركم، فلفل أسود، الثوم بودرة والقليل من إكليل الجبل حكيتو بين يدي) بلا ما ننسى الزيت، نخلط الكل جيدا نغطي الإناء ونخليه مدة 10 دقائق باش البطاطا تتشرب التتبيلة
  3. نفرغها في صينية فيها ورق الطهي نحطها متباعدة عن بعضها البعض نحك بين كف يدي الزعتر او الزعيترة نحاول نوزعها على كامل البطاطا
  4. نغطيها بورق الطهي من الأفضل نبللوه بالماء وندخلها للفرن المسخن مسبقا على درجة حرارة متوسطة
  5. مرة على مرة نقلبها ونحركها بلطف حتى طيب (تستوي) وتدي لون ذهبي جميل. مدة الطهي تقريبا 20 دقيقة
  6. قدّمتهــــم بألف صحـة وهنـا 😋😍😋
عجبتك الوصفة؟
شوف كل وصفاتنا في مكان واحد
كل الوصفات →