→ كل الوصفات

ورقة اللحمة بالخضار

طريقة عمل ورقة اللحمة بالخضار سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 0.5 كيلو لحمة, يفضل نوع مبياخدش وقت في التسوية
  • 2 حبة بطاطس
  • 2 حبة كوسة
  • 2 حبة جزر
  • كوب بسلة (بازيلا)
  • كوب فاصوليا
  • 3 طماطم
  • 3 بصلات, كبار
  • 3 قرون فلفل, اخضر
  • قليل بقدونس
  • قليل كزبرة
  • كوب ماء, ساخنة
  • معلقتين كبار زبدة
  • عصير نصف ليمونة, اختياري
  • قليل خل, اختياري
  • مكعب مرقة دجاج, اختياري
  • ملح
  • فلفل اسود
  • توابل لحمة
  1. بنقطع اللحمة قطع متوسطة ولو نرقق سمكها شوية, يبقى افضل. وبعدين نقطع البصل جوليان والفلفل الاخضر شرايح
  2. نحط زبدة في طاسة على نار عالية. ولما تسخن, ننزل اللحمة تأخذ صدمة ونقلبها شوية, لحد ما تأخذ لون
  3. بعدين ننزل بالبصل الجوليان, ثم الفلفل الاخضر ونشوحهم. ونحط توابل اللحمة وممكن مكعب مرقة دجاج ورشة الفلفل الاسود. ونضيف ليهم شوية ماء ساخنة
  4. نهدي النار ونسيب اللحمة على النار حوالي نصف ساعة, تبقى نص استواء. ويبقى حواليها صوص سميك طعمة جميل. وهنضيف الملح في الاخر, قبل ما نطفي بدقائق
  5. هنقطع البطاطس والجزر والكوسة والفاصوليا. بنقطعهم مكعبات, او شرايح مش صغيرة ومش رقيقة, عشان ماتتهريش خلال التسوية
  6. نحط عليهم رشة توابل وملح وفلفل اسمر. وممكن عصير نصف ليمونة ونقطتين خل وعودين كزبرة وبقدونس. وطماطم, جزء نقطعه شرايح ونبشر كام واحدة. او ممكن نستبدل الطماطم بصلصة متسبكة. كل ده نقلبهم مع بعض كويس
  7. ننزل على الخضروات بقطع اللحمة والصوص بتاعها ونقلب كويس. بجيب كيس حراري وممكن ورق زبدة, لكن الكيس الحراري افضل بكسب ميزة ان الحاجة مابتلزقش وكمان بتستوي اسرع واحلى
  8. بحط كله جوه الكيس واقفله كويس واخرمه من فوق. التعليمات كلها بتبقى مشروحه على علبته من بره. وبعدين بلفهم كويس بورق فويل واحطهم جوه صينية
  9. ندخلها الفرن درجه حرارة 200 بتأخذ, حوالي من ساعة لساعة ونص. وممكن لو حبيت افتح الورقة والكيس, اخر دقائق. واشغل الشواية, عشان الوجه ياخذ لون. بألف هنا. 🌺
عجبتك الوصفة؟
شوف كل وصفاتنا في مكان واحد
كل الوصفات →