→ كل الوصفات
طريقة عمل ورقة كفتة بالخضار سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 كيلو لحمه مفرومه
- بصلة متوسطة مفرومه ناعم
- شبت وبقدونس مفرومين
- معلقة صغيرة توم مفروم
- بطاطس
- كوسه مكعبات
- فاصوليا خضرا
- بسلة
- جزر
- فلفل اخضر او الوان
- بصل
- طماطم كله متقطع جوانح
- ملح
- فلفل اسود
- بابريكا
- كزبرة ناشفه
- كمون
- شطه
- بهارات لحمه
- بصل وتوم بودر
- مكعب مرقة خضار
طريقة التحضير
- هنحط اللحمه المفرومه ومعاها البصلة المفرومه ومعاها البهارات ونخلطهم كويس
- نضرب اللحمه ف الكبه ومعاها معلقة من البقدونس والشبت وبعدين نشكلها ونعفرها ف دقيق
- نحمرها ونشيلها ع جنب
- نجيب الخضار ونشوحه مكان الكفته مع رشة ملح وفلفل اسود
- نجيب الصينية اللى هندخلها الفرن ونفرشها بورق فويل وجواه ورق زبده
- نحط الخضار وفوقيه الكفته والتوم المفروم ومكعب المرقه
- بعدين نجيب شرايح الطماطم ونتبلها بملح وفلفل ونفركها كويس ونحطها ع الوش ونقفل الصينيه بالفويل وندخلها الفرن لمدة ساعه
- نكون مشغلين الفرن قبلها على اعلى درجة ولما نحط الكفته نهديه وبعد الساعه نفتح الفويل ونشغل الشوايه ونحط حتت زبده ع وش الصينيه وبالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد