→ كل الوصفات

ورقة لحمة بنكهة شاورما اللحمة

طريقة عمل ورقة لحمة بنكهة شاورما اللحمة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 4 قطع لحمة كبار مقطعين شرايح متوسطة
  • كوسة
  • جزر
  • بطاطس اي خضار تحبيه الكمية حسب الرغبة وكمية اللحمة
  • بصلة متوسطة
  • حبتين من الفلفل الاخضر
  • فصين ثوم
  • حبة طماطم مبشورة
  • ملح وفلفل اسمر
  • 1/2 معلقة صغيرة من قرفة
  • 1/2 معلقة صغيرة ثوم باودر
  • 1/2 معلقة صغيرة بابريكا
  • معلقة صغيرة بهارات سبعة
  • رشة سكر
  • معلقة صغيرة مسطرده (خردل)
  • خل
  • زيت طعام
  • علبة زبادي
  • صويا صوص
  • كاتشب
  1. هنحضر التتبيلة ونحط فيها قطع اللحمة نكون مقطعينها مكعبات متوسطة الحجم ونقطع الخضروات قطع كبيرة نسبيا عشان متتهريش ونحطها مع اللحمة في التتبيلة عشان تشرب من الطعم
  2. نفرم البصل والفلفل الاخضر والثوم في الكبة نصف فرم ونضيفهم للحمة والخضروات ونبشر الطماطم ونقلب كله في بعضه كويس جداً ونبيتها في الثلاجة مش اقل من ٦ ساعات
  3. هنجيب طاسة تيفال فيها قليل من زيت وزبدة ونسخنها جداً ونجيب قطع اللحمة ومعاها البصل والفلفل المفرومين من غير الخضروات وننزلها تأخذ صدمة على نار عالية لحد ما تأخذ لون تشويح جميل وممكن نضيفلها كوب ماء مغلي ونديها نصف ساعة على نار متوسطة ده هيقلل وقت تسويتها في الفرن ويعملها صوص طعمه حلو هيحلي طعم الخضروات
  4. نجيب كيس حراري نحط جواه الخضروات وعلى سطحها اللحمة نرصها والصوص بتاعها نصبه عليهم ونغلق الكيس كويس ونتبع التعليمات اللي عليه من بره ونحط الكيس في صينية مفرود فيها ورق فويل ونقفل ورق الفويل كويس جداً عشان نحتفظ بالبخار اللي هيسوي الاكل والكيس الحراري يمنع التصاق الاكل بورق الفويل ويدي الاكل كمان لون تحمير جميل
  5. ندخلها فرن سابق تسخينه على درجة حرارة 200 بياخد حوالي ساعة ونصف وبالف هنا 🌺
عجبتك الوصفة؟
شوف كل وصفاتنا في مكان واحد
كل الوصفات →