→ كل الوصفات

ورقة لحمة مشوية

طريقة عمل ورقة لحمة مشوية سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 2 ك لحمة بتلو
  • كيلو ونصف بطاطس
  • 2 بصلة كبيرة
  • ربطة بقدونس
  • ربطة شبت
  • طماطماية وسط حلقات رفيعة
  • ملح.. فلفل.. بهارات (7 توابل).. شطة حمرة
  • ورق لوري.. جوزة طيب مبشورة
  • تتبيلة اللحمة
  • بصلة مفرومة
  • طماطماية مفرومة
  • قرن شطة حامي مفروم (حسب الرغبة)
  • ملح.. فلفل.. بهارات
  • ملعقة كبيرة خل
  1. حتتبلي اللحمة كويس اوووي وتغطيها وتسيبيها ساعتين في التلاجة
  2. حتقطعي البصل حلقات بماكينة الشيبسي عشان يبقي رفيع ونفس الحجم
  3. حتقطعي البطاطس بسمك رفيع جدا (وده اللي بيميز ورقة اللحمة الجاهزة 😉)
  4. بعد كده حتضيفي عليهم التوابل وظبطي الملح والشبت والبقدونس واخلطيهم كويس اوووووي
  5. حتضيفي عليهم اللحمة بالتتبيلة بتاعتها وتخلطيهم كويس اوووي
  6. حتجيبي بقي ورق كرتون (ان وجد) وتفرشيه الاول وتحطي فوقيه ورق فويل وفوقيه ورقتين زبدة 👌
  7. حتضيفي اللحمة والخضار وفوق الوش حتضيفي حلقات الطماطم وتقفلي الورقة كويس اووووي طبقة طبقة
  8. حتسبيها في التلاجة من بالليل والصبح تطلعيها وتحطيها في صينية عالفرن علي درجة حرارة 250 من ساعة ونص لساعتين👍
  9. وبالف هنا وشفا يااارب 😍 😍
عجبتك الوصفة؟
شوف كل وصفاتنا في مكان واحد
كل الوصفات →