→ كل الوصفات

ورقة لحمة

طريقة عمل ورقة لحمة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 0.5 كيلو لحم
  • 3 بصلات كبار
  • 3 فصوص ثوم مفرومين
  • 4 حبات بطاطس متوسطة الحجم
  • 3 حبات كوسة متوسطة الحجم
  • 3 حبات جزر متوسطة الحجم
  • فلفل اخضر والوان
  • 0.5 كوب عصير طماطم
  • 2 ملعقة صلصة
  • روزماري
  • ملعقة صغيرة بهارات لحمة
  • ملعقة صغيرة قرفة
  • جوز الطيب
  • ملعقة صغيرة بابريكا
  • ملح وفلفل اسود حسب الرغبة
  • ملعقة كبيرة سكر
  1. في صينية كبيرة هنحط شوية زيت ونعلي النار عشان ندي اللحمة صدمة متنزلش عصارتها اول ما الصينية تسخن هنضيف مكعبات اللحم ومنقلبهاش على الوجه التاني بسرعة نستني شوية لحد ما تأخذ لون
  2. بعد ما اللحمة تأخذ لون من كل الجهات هنحطلها الروزماري وبهارات اللحم
  3. هنركن اللحمة في جنب الصينية وهنضيف البصل متقطع جوليان وهنضيف عليه السكر ونسيبه يذبل ويتكرمل وبعدين هنضيف الثوم واول ما ريحته تطلع
  4. هنضيف عصير الطماطم والصلصة رشة القرفة وجوز الطيب والبابريكا والملح والفلفل هنضيف الخضار المتقطع مكعبات كبيرةونقلب كله مع بعضه ونطفي عليه النار
  5. هنجيب صينية كبيرة ونبطنها بورق الفويل وعليه ورقة زبده عشان الفويل ميتفاعلش مع الاكل ونضيف كل الخليط بتاع اللحم والخضار ونغطي بورق زبده وبعده بورق فويل وندخلهم الفرن ساعة تقريبا لحد ما نكشف نلاقي اللحمة استوت وبالف هنااا
عجبتك الوصفة؟
شوف كل وصفاتنا في مكان واحد
كل الوصفات →