→ كل الوصفات
هو انا لية اسوى ورقة اللحمة فى ساعة ونصف فى الفرن لما ممكن اختصر الوقت لساعة وهتطلع اطعم والذ ورقة لحمة... تعالوا نعرف ازاى 😜😜😜😜
المقادير
- 1/2 ك لحمة مقطعة قطع متوسطة
- 2 بطاطس مقطعة قطع متوسطة محملة شوية عشان ما تتهرى
- 2 طماطم مقطعة قطع متوسطة
- بصلة كبيرة
- ملح وفلفل اسود حسب الرغبة
- ملعقة صغيرة من كبابة الصينى
- 5 فصوص توم فريش مهروس
- فلفل الوان
طريقة التحضير
- ودة اللحمة والخضار
- اشوح اللحمة فى الاول على البوتجاز واسويها نصف سوى مش احط عليها اكتر من الفلفل الأسود ورشة سكر لمدة نصف ساعة أضفلها كوب ماء واسبها تستوى نصف سوى
- اكون بقى قطعت الفلفل والبصل والبطاطس وحطيت الخضار بتاعى على بعضة عشان يشرب من التتبيلة زاى كدة
- اكون محضرة ورق زبدة ورق فويل فى صنية احط فيها الخضار بالشكل دة
- خلاص كدة عدى نصف ساعة على اللحمة وبقيت زاى الفل مستوية إلى حد ما احطها على الخضار بالشكل دة
- اشغل الفرن على درجة حرارة ٢٠٠ واقفل كويس جدا الورق بالشكل دة لمدة نصف ساعة
- بعد النصف ساعة اطلعها مش قادرة اقولكم على الريحة روعة روعة بجد سهلة وبسيطة والنتيجة تحفة
- عملت جمبها أرز بالشعرية وباذنجان مخلل يارب تعجبكم وياريتكم كانتوا معايا عشان تشوفوا الجمال والطعامة دى كلها بحبكم اد الدنيا باااااااى 😘😘😘😘😘😘😘😘🌹🌹🌹🌹🌹❤️❤️❤️❤️❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد