→ كل الوصفات

ورقه اللحمة بالبطاطس

#ع_طريقتي #ولا_احلا 😍 #ولا_اسهل 👌 طبعاً مش كلنا بنحب اللحمة المسلوقه و خاصه لما تكون بايته عشان كدا اليوم عملتها في الفرن تغير للشكل وكمان للطعم 👌

  • لحمة مسلوقه
  • كوب شوربه
  • 4 حبات بطاطس
  • 3 حبات طماطم
  • 4 بصلات
  • 2 فلفل حامي
  • 3 فلفل رومي
  • ملح
  • فلفل اسود
  • بهارات مشكله
  1. كانت في عندي لحمة مسلوقه ارميها طبعاً لااا نعمل اعاده تدوير طبعاً.. هانقطع البطاطس والبصل والخضار حسب الرغبه ونرش عليهم اشويا ملح وفلفل اسود وبهارات ونخلطها كويس هانجيب الصينيه ونحط فيها اشويا زيت ونحط عليه ورق الفويل ونحط فيه رشه زيت بردو وناخد نص كميه الخضار ونحطها في الصينيه
  2. هاناخد باقي كميه الخضار ونحطها فوق اللحمة.. وناخد كوبيه الشوربه ونسقي بيها الصينيه لانو طبعاً اللحمة مستويه احنا عايزين نسوي الخضار وبعد كدا نحمرها
  3. هانقفل الفويل وندخلها الفرن على 200 لحد ما تستوي البطاطس والخضار.. بعد ما تحسي الخضار استوا هاتكشفي الفويل وتحمريها.. وهانقدمها جمب الرز والسلطه وبالهنا والشفا ✌️
عجبتك الوصفة؟
شوف كل وصفاتنا في مكان واحد
كل الوصفات →