→ كل الوصفات

ورقه لحمة بالبصل والزبده

طريقة عمل ورقه لحمة بالبصل والزبده سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 10 قطع بفتيك او لحم بقرى
  • 1 كوب ص ماء بصل
  • 2 بطاطس شرائح رفيعه
  • 1 فص ثوم مفروم
  • 1 بصله كبيره جوانح
  • 1/4 ملعقه ص جوز الطيب
  • 1 ملعقه ص ملح
  • 1/2 ملعقه ص فلفل اسود
  • 2 ورق لورا
  • رشه حبهان مطحون
  • 1 فص حبهان مفتوح
  • روز مارى
  • 1 ملعقه سبع بهارات
  • ماء 1 طماطم مبشوره
  • 2 ملعقه زبده
  • 2 فص ثوم متقطع
  • 1 شطه خضراء او فلفل
  1. في بوله عميقه نزلت ماء البصل -ثوم -ملح -فلفل اسود -سبع بهارات -حبهان - 1 فص حبهان مفتوح -ماء طماطم وقلبتهم كويس، نزلت فيهم قطع اللحمة وقلبتهم وضفت 2 ملعقه زيت، اخدت القطع ونزلتهم في جريل وعليهم روز مارى، كل جهه تقريبا اخدت دقيقه تسويه، و معاهم شطه خضراء -ورق لورا
  2. حله على النار نزلت 2 ملعقه ك زيت -2 ملعقه ك زبده -2 فص ثوم متقطع -بطاطس شرائح -1بصل جوانح قلبت مع بعض وسيبتهم شويه، طلعت اللحمة في طبق على جمب ونزلت مكانهم في الجريل البطاطس والبصل، ورشيت عليهم سبع بهارات وضفت 1 ملعقه زبده، شوحتهم مع بعض
  3. جبت صينيه الفرن ودهنتها زبده، جبت ورقه الومنيوم وقطعت قدها ورقه زبده فردتهم على الرُخامه ودهنت ورقه الزبده بالزبده، نقلت نصف كميه البطاطس والبصل في الصينيه، رصيت عليهم قطع اللحمة وضفت عليهم باقي كميه البطاطس وطبقه تانيه من اللحمة، قفلتها كويس ونقلتها الصينيه وضفت في الصينيه 1/2 كوب ماء، جبت 1 فلفل اخضر قسمتو نصفين وضيفتو في المكان الفاضى في الصينيه
  4. دخلتها الفرن على حراره 200 من تحت لحد ما الماء نشف وشغلت من فوق ربع ساعة، طلعتها وقطعت ورق الالومنيوم بالسكينه ورشيت على الوجه رشه فلفل اسود وملح
  5. ملحوظه؛ ممكن اضيف للوصفه شعريه ⬅️ 1 كوب شعريه متحمره فى 2 ملعقه زبده، اخدت الشعريه فى حله وضيفت عليها 1/2 كوب ماء ساخن -ملح -فلفل اسود -ورق لورا، سيبتها تاخد نصف تسويه فى صينيه الفرن نزلت الخضراوات وعليها اللحمه وبعدها الشعريه وقفلتها كويس بالفويل ودخلت الفرن😋
عجبتك الوصفة؟
شوف كل وصفاتنا في مكان واحد
كل الوصفات →