→ كل الوصفات
#وصفات_بالأخصر الحقيقة اول مره نجربو كانت جارتي من تركيا هي لي تبعتلي جاهز حبيت نجربو و هي لي اعطاتني الورق من البستان تاعها 😊 تشجعت باش نجربو😅 #الشيف_الذهبي
المقادير
- 250 غ ورق العنب
- 2 بصل كبار
- 3 حبات طماطم
- 2 فص ثوم
- 150 غ لحم مرحي
- 100 غ من روز مدور(المصري)
- كميه من معدنوس مقطع رقيق
- كميه من دبشه او كسبرة خضرا مقطعة رقيق
- اوراق نعناع مقطعة رقيق
- فلفل أسود و فلفل احمر حار و حلو
- كمون و كسبر مرحي
طريقة التحضير
- غليت اوراق دقيقة في الماء و شويه قارص غير تغليه خفيفة دقيقة غير تبدل اللون نحيتو و خليتو يقطر تنحيلو لعروق الزايدين
- تقلي كميه شويه كبيرة من بصل مقطع رقيق تزيدي ثوم ملعقة طماطم مصبرة ملح فلفل أسود و كمون و راس الحانوت ادا كان راس الحانوت فيه كامل البهارات و تزيدي طماطم مسكرفجة او مرحيه في روبو وملح تغليها حتى تعقد
- تكوني موجدة روز ماشي بسمتي روز مفور تغسليه و تقطريه ديرلو حشيش مقطع رقيق(دبشة او كسبرة خضرا)و معدنوس مقطع رقيق و شويه نعناع مقطع رقيق شويه ملح و نفس البهارات لي درتي من قبل و تخلطي مع لاصوص تحبي تاني ديري شويه لحم مرحي معاهم ماشي طايب و عصرة تاع ليمون تخلطي مليح و ديري في الورق و ترولي تكسلي الورقه طبقه ناعمة من تحت وطبقة لي تبان لعروق من الفوق و تستفيهم مليح في طنجرة و تخطيها بالمغلاق يكون يشد الورق و تعمري الماء مع قرصه ملح و مغرف زيت و تزيدي تغطي طنجرة و تخليها على نار هاديه حتى تنشف
- تقدميه مع عصرة ليمون 🌹صحا وهنا🌹
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد