→ كل الوصفات
اكلة طيبة كتييير بس بدها شغل وعقولت المثل السوري ''مااصعب لفوا وما أسهل سفُّه'' واليوم جربتوا مع الفروج بدل اللحمة وعلى طنجرة الضغط
المقادير
- كيلو ورق عنب
- كيلو رز حبة وسط
- ¾ الكيلو لحمة
- ¼ كيلو دهنة
- 3 راس ثوم
- ملح
- بهار
- نعناع
- 8 حبات ليمون
- فروج وعظام خروف
طريقة التحضير
- اول شي ورق العنب بيكون مكبوس بماء وملح منكب عليه ماء اكتر من مرة ليروح الملح وبعدين نرفعه على النار ليسخن
- في هذا الوقت نحضر الحشوة، رز منقوع نصف ساعة ومنصفيه ومنضيف اللحمة والدهنة وراس ثوم وملح وبهار ونعناع ومنحركن ليصيروا بهذا الشكل
- وهلق طريقة لف اليبرق بس قبل لازم منحضر كوب قهوة لانو عنا لف يبرق شي ساعة
- وهلق منفتح الورق على الخلف ومنحط الرز بهذا الشكل
- من ثم نلف حتى تنتهي الكمية ومنربطن بهذا الشكل حتى ما يفتحوا معنا على الطبخ
- ومنضم ال 2 راس ثوم بالاعواد الخشبية حتى ما يضيعوا بالطنجرة
- ومنعصر الليمون ومنضيف راس ثوم ناعم مع ملح ومنقطع الفروج ومننقعه نص ساعة بالخل
- وهلق منبلش التطبيق بالطنجرة، اول الشي العظم وبعدها اليبرق وبعدين الفروج والثوم ومنضيف ماء ساخن وعلى الغاز
- بعد الغليان منسكر الطنجرة ومنخفف نار الغاز على الاخر ومنتركن ساعتين ونص طبعاً انا استخدمت طنجرة الضغط
- وهي هي النتيجة كتيير طلع طيب وبنصحكم تجربوها 😋👌👌
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد