→ كل الوصفات
طريقة اقتصادية وكتير طيبة جربوها وادعولي
المقادير
- كيلو ورق عنب اخضر منقع بمي سخنة
- 1/4 كيلو فروج صدر مفروم ناعم كفتة مع دهنتا
- 5 كاسات رز مصري منقوع
- م.ص. بهارات مشكلة
- كاري
- كركم
- ملح حسب الرغبة
- ملعقة كبيرة مسح دبس بندورة
- ملعقة كبيرة سمنة
- ملعقتين كبار زيت مازولا
- مكعب ماجي لحم
- عصير حامض ليمون للمرقة حسب الرغبة
- راس ثوم مقشر
طريقة التحضير
- منحط الرز بجاط مع البهارات ومكعب الماجي ودبس البندورة والسمنة والزيت ومنخلطن منيح واذا في دهنة كمان فيكن تحطو بتطلع زفرة الاكلة اكتر
- منكون محضرين الورق متل يلي بالصورة الورق اخضر مابحاجة للغلي كتير مجرد تنقيع بمي سخنة ومنصفين ومنبلش لف
- ومنطبقن بالطنجرة وفيكن تحطو بسفل الطنجرة فخاد فروج انا حطيت بالمي مكعب ماجي وملعقة زيت زيتون وفصوص ثوم وبس يغلي بتوطو الغاز ليستوي وبس استوى بتحطو ملح حسب الرغبة وحمض ومنتركا تغلي نتفة وبعدا منطفي الغاز ومنفضي المرقة بطاسة ومنقلب الطنجرة وصحة وهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد