→ كل الوصفات

ورق عنب بدبس الرمان والفراخ 😉😊

#محشي #ع_طريقتي #ولا_احلا 😍 #سر_الطبخة #دبس_الرمان

  • ورق عنب مسلوق
  • عصير الطماطم
  • رز مصري مغسول ومتصفي
  • خضار محشي مشكل
  • نعناع ناشف
  • بهارات فراخ وملح وفلفل اسود
  • كمون وكسبره ناشفه
  • مكعب مرقه
  • 4 بصلات كبار مفرومين خشن
  • فلفل حامي و توم
  • الفراخ
  • شرايح بصله مقطعه
  • زيت
  • هيل
  • ورق لوري
  • بهارات فراخ
  • ملح وفلفل اسود
  • عود القرفه
  • دبس رمان
  • كوب عصير طماطم
  • مكعب مرقه
  • فص توم
  • فلفل حار
  1. هانحط الزيت ع نار وننزل بالبصل المفروم ونخليه يستوي ونكون محضرين ف الهون فلفل حامي وتوم ودقتهم كويس بنزلهم ع البصله واقلبهم لحد لما ريحتهم تتطلع واقوم منزله عصير الطماطم واحط مكعب المرقه واسيبها لحد لما تتسبك و اطفي عليها
  2. ف طبق غويط برا هانحط الرز وعليه الخضار ونحط البهارات والنعناع الناشف ونقلبهم كويس وبعدين نحط الصلصه بعد التسبيك ونقلبهم نخليهم ع جمب تبرد
  3. نحضر الفراخ.. ف الحله اللي كانت فيها الصلصه هانحط شويه زيت وننزل بالبصله ال شرايح يدوب تدبل ونزل عليها الفراخ طبعا مقطعها وغسلها كويس ونحط الهيل و روق لوري وعود القرفه والبهارات وملح و فلفل اسود ونقلبها ونخليها تتغير لونها لحد لما تبقى دهبي كدا ونطفي عليها النار
  4. نبدأ نلف ورق العنب ونحطو فوق الفراخ
  5. ف الخلاط هانحط كوبيه عصير طماطم و فصين توم ومكعب مرقه ودبس الرمان ونخلطهم كويس.. وانزلهم ع ورق العنب ونولع النار ع الحله ولما تغلى نوطي ونحط الشياطه ونسيبو يستوي براحتو.. وبالهنا والشفا ✌️
  6. #سر_الطبخة اولا الفراخ تحت المحشي عموما جميع انواع المحشي بتكون احلا واطعم وكمان بتوفر وقت وجهد وكركبه مواعين وحلل. تانيا دبس الرمان مع عصير الطماطم هاتاكلي احلا ورق عنب مزز وجميل تالتا التوم والفلفل الحامي اللي ف الهون بيعمل طعم جميل رابعا النعناع الناشف ف المحشي خامسا لما تحطي الخضار ع الرز وبعدين البهارات بيكون طمعو جميل وريحته البهارات وفايدتها كلها بتكون#ولا_احلا 😍
عجبتك الوصفة؟
شوف كل وصفاتنا في مكان واحد
كل الوصفات →