→ كل الوصفات

ورق عنب بزيت الزيتون ودبس الرمان

طريقة عمل ورق عنب بزيت الزيتون ودبس الرمان سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 3 اكواب ارز مصري
  • برطمان ورق عنب او ½ ورق عنب مسلوق
  • كوب زيت زيتون (بيفرق كتييير في الطعم)
  • 0.5 كوب عصير ليمون (حوالي 3 ليمونات كبيرة)
  • ملح، فلفل
  • رشة نعناع ناشف
  • مقدار من الشوربة
  • شرائح بطاطس مقطعة سميك عشان تتحمل الحرارة نفرشها في قاع الحلة
  • 💞 خلطة محشي عبارة عن
  • ربطة كبيرة خضرة من كل نوع (بقدونس ، كزبرة ، شبت)
  • 2 بصلة كبيرة مقطعة ناعم
  • 3 ملاعق صلصة
  • 6 حبات طماطم مقطعه
  1. 💖 لتحضير خلطة المحشي : زيت زيتون في حلة ونشوح نصف كمية البصل يدبل ننزل عليه بنصف كمية الطماطم والصلصة ، نسيبهم يتسبكوا وبعدين نطفي النار ونتركها تبرد
  2. ننزل عليهم بباقي كمية الطماطم والبصل ، ونزل الخضرة ونقلب
  3. نغسل الرز ونصفيه كويس قوي ونضيف خلطة المحشي ونصف كمية الزيت ، ونصف كمية الليمون ، والملح والفلفل والنعناع ، ونبدأ نحشي
  4. نرص شرائح البطاطس في قاع الحلة ونبدأ نرص محشي ورق العنب ونحط ثقل عالمحشي نفسه طبق تقيل مثلا او طبقين عشان يكبس المحشي، نضيف الشوربة مخلوط معاها باقي الزيت والليمون ودبس الرمان ، ونخلي الشوربة فوق مستوى المحشي بحوالي عقلة صباع
  5. نغطي كويس بورق ألومنيوم أو غطاء الحلة محكم ، نسيبة على نار عالية مجرد يغلي غلوتين ، نهدي النار وننسااااه بقى حوالي ساعه الى ساعة ونصف ، نطفي ومنرفعش الغطاء لحد ما يهدى خالص عشان ميسودش
عجبتك الوصفة؟
شوف كل وصفاتنا في مكان واحد
كل الوصفات →