→ كل الوصفات

ورق عنب حر بالزيت

#الشيف_الذهبي

  • ½ كيلو ورق عنب
  • 2 ضمة كبيرة بقدونس
  • ¼ ضمة نعناع أخضر
  • 3 حبات وسط بندورة(طماطم)
  • ½ ضمة بصل أخضر
  • 3 قرن حر
  • حبة وسط بصل يابس
  • 4 حامض(ليمون) معصور
  • ½ كوب أرز مصري
  • فنجان قهوة زيت نباتي
  • ملعقتين زيت زيتون
  • ملعقتين ملح
  • ملعقة صغيرة قرفة بودرة
  • ملعقة صغيرة حر بودرة
  • ماء للطبخ و السلق
  • لقعر القدر
  • 2 وسط جزر
  • 2 وسط بطاطا
  • ¼ كوب لوز أخضر(اختياري)
  • عنقود حصرم(اختياري)
  1. يسلق الورق العنب لمدة خمس دقائق و يوضع في المصفاة
  2. نغسل كل الخضار و تفرم ناعما و توضع في جاط نتبل بالحامض وملح و نصف كمية زيت القلي والقرفة نخلط المكونات و نتذوق نسبة الملح و الحامض ثم نغسل الأرز ر نضيفة ونخلص جيدا
  3. نلف ورق عنب بهذة الطريقة وتكون الحشوة كثيرة نسبيا لأن الخضار رح تذوب بالطبخ
  4. بأرض الطنجرة نضع شرائح البطاطا و الجزر و اللوز وممكن والحصرم
  5. نصف اوراق العنب بهذا الشكل (بشكل طولي على الاطراف وبالنص بالعرض)
  6. بنحط صحن زجاج مقلوب و بنحط ثقل فوقة ثم نضيف ماء بارد فوق مستوى ورق العنب
  7. بنزيد بالطنجرة باقي كمية الزيت والحامض و ماء الحشوة وبنحط شوية ملح زياده
  8. عند الغليان نخفف النار
  9. تترك لمده ساعة وبنذوق حبة اذا ما استوى الورق بنزيد ساعه ثانية واذا ما استوى بنزيد ساعه زيادة (يعني مدة الاستواء حسب الورقة من ساعة الى ثلاث ساعات بالكتيييير) وأكيد لازم نضل نتأكد من الماء انها ما تنشف على الأخر لازم يضل فيها شوية ماء بس تستوي
  10. بس يستوي بنطفي النار و بنشيل الثقل و الصحن وبنترك الطنجرة لتبرد
  11. تأكل باردة.. وتاني يوم بتكون أطيب من أول يوم 😁
عجبتك الوصفة؟
شوف كل وصفاتنا في مكان واحد
كل الوصفات →