→ كل الوصفات
طبق جانبى
المقادير
- ¼ كيلو ورق عنب أو كيس ورق عنب مجمد
- 1 فلفل حاراختيارى
- ½ كيلو رز
- حزمة (شبت ، بقدونس ، كزبرة) مفرومين
- 2 بصلة متوسطه مفرومين
- ½ لتر عصير طماطم فريش
- 2 معلقة كبيرة معجون طماطم
- فص ثوم مفروم فريش اختيارى
- 1 فلفل حار مفروم اختيارى
- ملح وفلفل اسود حسب الرغبة
- 5 معلقة كبيرة لحمه مفرومه معصجة اختيارى
- مكعب ماجي اختيارى
- معلقتين زيت
- ½ كوب ماء
طريقة التحضير
- نجهز الخلطة.. توضع حلة أو طاسة غويطة على النار نضع الزيت يسخن ننزل البصل أما يدخل على اللون الذهبى نحط الثوم والفلفل المفروم ونقلب
- نضيف عصير الطماطم ومعجون الطماطم ونقلب
- نضيف التوابل والماء ونقلب وتغطى وتترك على النار 10 دقايق
- ثم نضع الخضرة واللحمه المعصجه نقلب ونتركها 2 دقيقة ونقفل النار
- نضع الرز ونقلب جيدا وبكدة تكون الخلطة جاهزة معانا
- بالنسبة للورق عنب لو مجمد هنبدا بحشو الخلطة مباشرة
- لو طازة.. هنغسل الورق بالماء البارد ثم نرتب الورق ونربطه مع بعض من العنقود ويوضع فى ماء مغلي وبه ملح ويترك على النار لمدة 5 دقائق ويمكن اضافة ليمون فى الماء حسب الرغبة
- نرفعه من ع النار نصفيه ونغسله بالماء البارد
- يوضع فى اسفل الحلة عيدان ورق العنب و الخضرة ويمكن وضع حلقات فلفل أو حلقات من البصل والبطاطس والطماطم
- نقوم بحشو ورق عنب بالخلطة اللى جاهزة معانا ونرصه فى الحلة
- بعد الانتهاء من الكمية كلها تضغطى عليه من الاعلى برفق وضعى 1 فلفله حار فوق الوش ولو متبقى رز الخلطة ممكن حشو الفلفله
- جهزى ماء مغلي وضعى فيه ملح وفلفل وليمون ومعلقة زيت ونص معلق معجون طماطم تسقى بيها الورق عنب وغطيه كويس واتركيه لينضج مدة تتراوح بين 40 دقيقه لساعه
- يتم تقديمه بعد أن يهدأ وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد