→ كل الوصفات
طريقة عمل ورق عنب محشي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ½ كيلو ورق عنب
- 5 كاسات رز منقوع
- ½ كيلو لحمة مفرومة ناعمة
- قطع دجاج وقطع لحمة بالعظم
- باكيت معجون البندورة
- باكيت مرق الدجاج الفوري كنور
- ½ ملعقة صغيرة فلفل اسود
- ملعقة كبيرة بهارات مشكلة
- ملعقة كبيرة ملح
- ملعقة صغيرة نعنع مجفف مطحون
- رشة كركم
- رشة هيل
- ماء حسب الحاجة
- حبتين بندورة
- ¼ كاسة زيت زيتون
- ¼ كاسة زيت قلي للرز
طريقة التحضير
- بنسلق ورق العنب بعد ترتيبه وازلة العروق
- بنضيف التوابل فوق الرز وبنقلب وبنضيف اللحمة المفرومة وزيت القلي
- بنقطع البندورة شرحات وبنقطع البصلة شرحات وبنرتبهم بقاع الطنجرة وبنرتب قطع الدجاج واللحمة بعد تتبيلهم بالزيت والملح وملعقة من معجون البندورة وبنبلش لف ورق العنب وبنرتب بالطنجرة فوق البندورة والبصل واللحمة وهون بنضيف زيت الزيتون
- وهيك لحتى تخلص الكمية
- بنذوب بكمية من الماء باكيت معجون البندورة مع ملح وباكيت مرق الدجاج وبنضيفهم فوق ورق العنب المحشي وعلى النار العالية لحتى تطلع منه الفقاعات وبعدين بنوطي النار وبنتركه على نار هادية لمدة ساعة ونص ولازم ننتبه انه ما تنشف عنه السوائل وازا احتاج بنضيف وهيك لحتى يستوي وبالعافيه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد