→ كل الوصفات

ورق عنب

#نكهة_عربية

  • 1/4 كيلو ورق عنب
  • 1/2 كيلو طماطم
  • 1 حزمه من شبت بقدونس كزبره
  • 1 كوب أرز مصري
  • 1 بصله كبيره مبشوره
  • 1/4 كوب زيت
  • 1/2 معلقه ملح
  • 1/2 معلقه فلفل اسود
  • رشه بهارات
  • 2 كوب شوربه
  • 1 راس ثوم فصوص صحيحه
  • 2 معلقه دبس رمان و عصير ليمونه
  1. بنغسل الرز كويس و نصفيه ونحط عليه بشر الطماطم و نحتفظ بالقشر و البصله المبشوره و الخضره و الزيت والملح و الفلفل والبهارات وممكن لو حد حابب يزود ملعقة صلصة
  2. انا بعمل خلصه المحشي ني في ني ممكن اللي بيحب يسبكها براحته طبعاً بحضر ورق العنب و الخلطه بحطها في مصفاه و تحتها طبق عشان الماء اللي هتنزل منها هحتاجها
  3. الخلطه بنحطها في ورق العنب من ناحيه العروق البارزه و الناحيه الناعمه بتكون من بره و نلفه عادي بالحجم اللي احنا بنحب سواء كبير أو صغير
  4. بنجيب الحله و نرص فيها حلقات بصل و طماطم وممكن جزر لو حابين ونرص ورق العنب و بين كل راق و التاني بحط فصوص ثوم مش كتير يعني
  5. وهكذا لحد ما نخلص رص ورق العنب كله نكون بنغلي شوربه دسمه و نزود عليها ماء من خلطه المحشي اللي كانت بتنزل من المصفاه ومعاها ملعقة سمنه فلاحي اول ما تغلى نسقي بيها ورق العنب ومنكترش نهائي يادوب الصف الأول من ورق العنب يكون باين
  6. اول ما الشوربه تغلي نخفف النار خالص ونغطي ورق العنب لحد ما يستوي كأننا بنسوي رز عادي انا بحب أضيف فوق الوجه معلقتين كبار دبس رمان مدوباهم في عصير ليمونه بتدي طعم و مزازه حلوه اوي انا كمان هنا كنت حاطه ملعقة قشطه فوق الوجه تدي دسامه شويه و طعم جميل
  7. اول ما ورق العنب يتشرب الشوربه و الرز يستوي نفضيه في سرفيس و بالهنا و الشفا
  8. وطبعا لو في حبه رز بالخلطه اتبقو مش بنرميها بنزود حوالي ربع كوب شوربه ونسويهم عادي بيبقى طعمه تحفه جداً
عجبتك الوصفة؟
شوف كل وصفاتنا في مكان واحد
كل الوصفات →