→ كل الوصفات

ورق عنب 🍇

طريقة عمل ورق عنب 🍇 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • ½ كيلو ورق عنب
  • كيلو رز
  • بصلة مبيرة مفرومة
  • كباية بقدونس مفروم
  • كباية كزبرة مفرومة
  • معلقة نعناع مفروم
  • ½ معلقة شبت مفروم
  • عصير خمس طماطم
  • توابل
  • فلفل اسود
  • ملح
  • لتر شوربة او ماء مذاب فيها مرقة
  • 2 ليمونة
  1. نغسل ورق العنب ونغلي ماء على النار وعلى جنب نحط حلة فيها ماء باردة
  2. نحط ورق العنب في الماء المغلية ونقلبه لحد مالونه يتغير ونطلعه وننزله في الماء الباردة وبعدها نصفيه على جنب
  3. رز الخلطة : هنحط 3 ملاعق زبدة او سمن على النار في حلة وننزل فيها بالبصل المفروم
  4. اول ماتذبل البصلة نحط الصلصة والتوابل والملح تغلي غلوة نشيل منها على جنب مقدار كبشة
  5. نحط على الصلصة اللي على النار الرز والخضرة ونقلبها كويس لحد ما الرز يشرب الصلصة ونطفي النار ونسيبه يبرد حبة بسيطة
  6. نلف ورق العنب لو الورقة صغيرة بتتلف صباع كبيرة بتتلف صباعين او 3 حسب الحجم اللي تحبيه
  7. على النار نحط الشوربة او الماء + المرقة وكبشة الصلصة اللي شلناها على جنب ونسيبهم يغلو بعدها نعصر عليهم ليمونتين
  8. نحط حلة محشي ورق العنب على النار ومن فوق طبق صيني عشان ميتفكش مننا المحشي ويطيب كله زي بعضه ونسقيها بالشوربة ونخليها تطيب اي تستوي على نار هادية لمدة نص ساعة
  9. بعد نص ساعة نشوف بشوكة المحشي استوى ولا محتاج عشر دقائق تانية
  10. ويكون استوى وبألف هنا
عجبتك الوصفة؟
شوف كل وصفاتنا في مكان واحد
كل الوصفات →