→ كل الوصفات
طريقة عمل ورق عنب 😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ½ كيلو ورق عنب
- ملح +معلقه زيت
- ماء للسلق
- ¼ كيلو رز او اكتر علي حسب كميه الورق
- 6 حبات طماطم
- بصل ثوم مفروم
- قرن فلفل اخضر
- كسبره خضراء +شبت
- 2 حبه عصيره ليمون
- توابل
- كمون
- كسبره ناشفه
- فلفل اسود
- شطه ناعمه
- كيس مرق دجاج
طريقة التحضير
- نشيل العنقود ال ف ورق العنب
- نحط مياه ع النار تغلي ننزل بمعلقه الملح والزيت وبعد كده ننزل بورق العنب اول ما لونه يصفرا كده نطلعه ف مصفاه يصفي الماء الل ينزل منه
- ف حله تاني ع النار ننزل بمعلقه سمنه ومعلقه زيت وننزل بالبصل المفروم اول ما ياخد لون ننزل بالثوم ياخد لون اصفر وننزل بالطماطم ونحط التوابل وملح و مرقه ماجي تتسبك ننزل بالرز نقلبه تقلبتين ونطفي النار
- نضيف الكسبره الخضراء والشبت المفروم وعصير الليمون علي خلطه الرز ونحشي ورق العنب بالخلطه
- ف حله اخري نرص في قاع الحله بصل ترنشات وليمونه مقطعه ترنشات ونرص ورق العنب بعد ما نخلص لف نحط علي وش ورق العنب توابل ومعلقه زيت وملح ليمونه متقطعه ترنشات
- نكون مسخنين الشوربه وننزل بيها علي المحشي لحد ما يغطي الوجه ونغطي المحشي ب غطاء اصغر من الحله عشان ما يتفك منك ونحط غطاء الحله الاساسي ونعلي النار دقيقتين وبعدين نوطي النار علي نص ساعه ع النار ونطفي والف هنا ع قلوبكم
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد