→ كل الوصفات
اطيب طريقة لورق العنب حامضة وطرية ومسأسأة
المقادير
- 3 كاسات رز مغسلين ومنقوعين بماء دافية نص ساعة
- 1/4 كيلو ورق عنب مسلوق
- 3 حبات بندورة
- حبة بصل
- 4 سنون ثوم
- نعناع ناشف او اخضر
- حبة فلفل حلو
- شوية بقدونس
- 3 م.ص صغار ملح
- ملعقة صغيرة بهارات دجاج
- ظرف ماجي بودرة
- ¼ كوب زيت زيتون
- رشة ملح ليمون
طريقة التحضير
- على خلاط الورقيات....حبتين بندورة.....حبة بصل... ٣ سنون ثوم...نعناع ناشف او اخضر...حبة فلفل حلو
- تضاف المكونات السابقة والبهارات المذكورة سابقا على الرز بعد تصفيته جيداً
- ورق العنب انا بفرزها على شكل لفائف بتغليف الاكل وعند الطبخ بطلعها قبل بساعة وبنزلها بالماء المغلية 15 ثانية وبطلعا
- بلف الورق بياخدو معي من ساعة لساعة ونص لف
- بقاع الطنجرة بحط دوائر بصل ودوائر بندورة 3 سنون ثوم وزيت زيتون شوي صغيرة رشة ملح ورشة فلفل بسبكهم شوي على النار
- بصف الدوالي فوقهم وبحط على الوجه شرائح ليمون ورشة ملح وشوية زيت زيتون
- بحط صحن على الوجه فوقه ثقالة الدوالي
- بغلي الماء وبصبها فوق الدوالي تغمره وزيادة سم او ٢ سم مابضرو
- على نار عالية وبس يغلي بخفف النار على الاخر...بعد ساعة بشيل الثقالة وبعد كمان ساعة بطفي النار يعني ساعتين مدة الطبخ
- اسرار نجاح ورق العنب 3...زيت الزيتون.....دعم الخلطة بالخضار ماتكون كلها رز....وتأخذ وقتها على النار
- صحتين وعافية
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد