→ كل الوصفات
#مريولي_باسمي
المقادير
- كيلو ورق عنب بلدي
- كيلو كوسا
- كيلو باذنجان
- بندورة
- لحمة
- 3 ورق غار
- 3 حبات هيل
- زيت زيتون
- عصير ليمون
- للحشوة
- 3 كاسات رز متوسط منقوع لمدة ساعة و مغسول
- 1/2 كيلو لحمة مفرومة خشن
- ملعقتين كبار سمنة
- ملعقتين كبار زيت نباتي
- رشة ملح ،فلفل اسود،بودرة مرق الدجاج ، بهارات مشكلة
- رشة خفيفة كركم
- سلطة لبن بخيار
- 5 حبات كبيرة خيار مبشور
- كاسة و نص لبن
- 4 ملاعق كبيرة لبنة
- تومة مهروسة كمية حسب الرغبة
- نعنع مفروم
- ملعقتين كبار زيت زيتون
طريقة التحضير
- الورق عندي ناعم ف بس غطسته بمية سخنة دقيقتين بعدها حطيته بمية باردة
- تخلط مكونات الحشوة
- للكوسا بستخدم لب الكوسا مع حشوة
- للباذنجان بستخدم لب الباذنجان مع حبة بندورة للحشوة
- يلف ورق عنب
- بالطنجرة تقلب اللحمة مع ملح و فلفل اسود لتوخد لون بعدها بحط تحت اللحمة شرائح بندورة يوزع ورق غار و هيل يوضع كوسا و باذنجان و الورق و بندورة بين طبقات و يوضع صحن يذوب بودرة مرق الدجاج و ملح بمية بحرارة الغرفة و توضع على مستواه في حال استخدمتو طنجرة ضغط مستوى المية اقل
- بس تغلي يترك على نار هادية ليستوي يوزع زيت زيتون و عصرة ليمون ، انا بحب يضل عليه شوية مية ما بحب انشفه تماما
- باقي لب الكوسا بطبخه على بخار بعدها بقدمه مع لبن ، ثومة،نعنع ،زيت زيتون
- يخلط لبن و لبنة و زيت زيتون و تضاف باقي المكونات
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد