→ كل الوصفات

وصفة الجمبري المقرمش

#الشيف_الذهبي بدقيق وحبيبات مقرمشة وداعا للمطاعم

  • 2 كيلو جمبري مقشر
  • مكونات غسيل الجمبري
  • 3 ملاعق كبيرة ملح
  • معلقة كبيرة زنجبيل بودر
  • مكونات التتبيلة الاساسية للجمبرى:
  • 2 راس ثوم كبيرة
  • معلقة كبيرة كمون
  • معلقة كبيرة بهارات سمك
  • 1/2 معلقة كبيرة ملح
  • معلقة صغيرة شطة بودر
  • مكونات تتبيلة ان ننقع الجمبري
  • 2 كوب ونصف دقيق
  • معلقة صغيرة ملح
  • معلقة كبيرة كاري
  • معلقة كبيرة كوركم
  • معلقة كبيرة بهارات سمك
  • معلقة صغيرة شطة
  • التتبيلة الخارجية الكرسيبى جداً :
  • 3 كوب دقيق كبيرة
  • 1/2 معلقة كبيرة ملح
  • معلقة كبيرة بهارات سمك
  • معلقة صغيرة شطة
  • معلقة كبيرة ثوم بودر
  • معلقة كبيرة بصل بودر
  • كوب حبوب مقرمشة
  • معلقة كبيرة بيكنج بودر
  1. بسم الله الرحمن الرحيم// الجمبري من اشهى انواع المأكولات البحرية خصوصا لو كان بلدي
  2. طريقة تنظيف الجمبري نقوم بنقشيرة وفتح الظهر ونشيل الكيس الرملى وممكن نترك زيلة منقشروش بس في الوصفة دى انا قشرتة عشات يتاكل زي حبات الفستق عشان ماشاء الله كان طعمة رائع جداً طرى من الداخل ومن برة مقرمش جداً
  3. نغسل الجمبري بوضع الملح والزنجبيل ونقلبة كويس فيه ونضعة في مصفاة لمدة عشر دقائق فقط عشان ينزل الظفارة نحضر الجمبري ونشطفة بالماء الجارى لغاية لما لونه يزهزة ونضعه في مصفاة لمدة عشر دقائق عشات ينزل كل مايتة
  4. نحضر الطبقة الاساسية وهى مرحلة تخمير الجمبري عشان يعطينى حجم كبير للجمبرى نحضر مكونات تتبيلة ان ننقع الجمبري كلها ونخلطها مع الدقيق جيداً ثم نقوم بوضع الماء العادي من الصنبور تدريجيا لغاية لما نحصل على قوام مثل الطحينة مثل الصورة وميكنش القوام خفيف
  5. نحضر الجمبري ونحضر المكونات الاساسية لتتبيل لحم الجمبري ونقوم بفرم الثوم مع جميع التوابل جيداً عن طريق محضرة الطعام او الهون ونضعها فوق الجمبري مباشرة ونخلطها جيداً فوق الجمبري حتى تتجانس كل المكونات نحضر الجمرى ونضعة في تتبيلة النقع ونقلبة جيداً ونتاكد ان الجمبري كله في التتبيلة ونتركه ربع ساعة عشان يشرب التتبيلة
  6. نحضر مكونات التتبيلة الخارجية الكرسيبى الجافة ونخلطها ببعض جداً
  7. نحضر الجمبري ليتشرب من التتبيلة ونأخذ الجمبري واحدة واحدة ونضعها في خلطة الدقيق ويكون الزيت في المقلاية وعلى القليلة على طول نعمل حبة حبة ونقلى نضع كمية بسيطة في المقلاة عشان يتحمر ويقرمش كويس قوى الخطوات مثل الصورة
  8. نقلى جميع الكمية ويقدم ساخن مع الليمون وسلطة الطحينة وشرايح الخس واعملى احلى سندوتشات او يقدم في العزومات مع أصناف اسماك اخرى احلى طعم جمبري مقرمش جداً وطرى من الداخل وحجم الجمبري بيزيد وبيبقا منفوش وجميل والطعم خيال
  9. وداعا للمطاعم الخارجية ومرحبا بالمطبخ المنزلى البورسعيدي من ام يوسف
  10. بالهناء والعافية
عجبتك الوصفة؟
شوف كل وصفاتنا في مكان واحد
كل الوصفات →