→ كل الوصفات
وصفة مختلفه عن ورق عنب اللي عملته المرة اللي فاتت مره دي هستخدم دبس الرمان هتعجبكم جدا بإذن الله ❤️
المقادير
- عصر ليمونه واحده
- ماء كافي للسلق
- م ك زيت
- 3 اكواب رز مصري
- 2 بصلة مفرومين ناعم
- 3 طماطم مفرومين ناعم
- كوب بقدونس
- كوب كزبرة
- رشة نعناع مجفف
- 2 فص توم مهروسين
- 2 م ك صلصة
- فلفل حار مفروم ناعما (او م ك معجون فلفل حار)
- 1/2 ليمون معصورة
- 3 م ك دبس رمان
- ملح وفلفل اسود حسب الرغبه
- م ص كمون
- م ص كزبرة ناشفة
- 1/2 م ص بابريكا
- 1/2 م ص سماق (اختياري)
- 1/2 م ص سكر
- كوب الا ربع زيت الزيتون
- 1/2 ك ورق عنب
- 2 كوب مرقة قابل للزيادة او للنقص المهم تغطي ورق العنب
- 1/4 : 1/2 كوب زيت
طريقة التحضير
- في حلة فيها ماء وزيت وليمون هنسيبها تغلي وبعدين نسلق الورق عنب لونه يتغير هنرفعه وبعدين نحطه في مصفى ونغسله بماء بارد وتصفيه
- بالنسبه للحشوه نخلط كل مكونات مع بعض في بولة هنجيب ورق العنب من جهة الخشنه ونحط الخلطه ونلف وندخل الجوانب على جوه ونلف لحد مايديني شكل الصباع المعروف للمحشي ونرصه في الحلة بعد ماتكوني عاملنا طبقه من ورقه عنب في قعر الحلة
- وبعد مانرصه نحط نص كوب زيت علشان يديله لمعة (في ناس بتحب تحط ليمون و دبس رمان بس لو حطيتي ليمون في الاخر يبقى ساعة سلق ماتحطيش في الماء ليمون من انا ساعة سلق حطيت ليمون في مش هحط تاني وهكتفي بالزيت)
- هنحط المرقه لحد ماتغطيه واحطه على نار واول لما يتشرب هنوطي عليه ونسيبه يستوي وبألف هنا♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد