→ كل الوصفات
طريقة عمل يالنجي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 908 غرام ورق عنب
- 2 حبة بندورة مفرومة ناعمة
- 1 حبة بصل كبيرة مفرومة ناعمة
- ملعقة كبيرة دبس رمان
- 2 حبة بطاطا كبيرة مقطعين دوائر
- 2 حبة بندورة كبيرة و مقطعين دوائر
طريقة التحضير
- بسلق ورق العنب و بحطو على جنب لحتى يبرد
- لبين ما يبرد بعمل الخلطة بحط رز و البندورة و البصل المفرومين و و توم مهروس ٥ حبات و دبس رمان ملعقة كبيرة و زيت زيتون ملعقة كبيرة و ملح و كمون و فليفلة حمرة حسب الحاجة و ملعقة صغيرة قرفة لتنكيه
- و بخلطهم و بيكون الورق العنب برد و بلش لف و بس خلص لف بصف البطاطا و البندورة يلي مقطعين دوائر بالطنجرة و بصف ورق العنب فوقهم
- و بساوي مرقة ال يالنجي مي حسب شلون بتحبي المرقة كتيرة و لا قليلة و بحط نعنع اخضر و دبس رمان و كمان ملعقة صغيرة قرفة و ٥ حبات توم مهروس و ملح و بزتهم فوق اليالنجي
- ملاحظة: يلي بدا تقلي مالك حاطة بقدونس ترا انا و جوزي و بناتي ما منحب البقدونس ملاحظة تانية: لا تعيبو على لفي ترا هي اول مرة بلف ورق عنب 😅
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد