→ كل الوصفات
طبخة لذيذة سهلة سريعة واقتصادية، بفضلها الكبار، انا عندي الاطفال ما بيحبو البامية، بدي اعملها بطريقة ناكل منها كلنا، رح نشوي الكفتة بالصينية مع البطاطا لحال للاطفال، و نعمل اليخنة لحال، و نعمل رز بشعيرية عالجنب #المريول_العالمي #الزيت #الخضار_المجمدة
المقادير
- 1/2 كيلو لحمة مفرومة كفتة
- 1 باكيت بامية مجمدة
- 1 راس بصل صغير مفروم ناعم
- 1/2 راس ثوم مفروم ناعم
- رشة ملح
- رشة بهار مشكل
- علبة رب البندورة كبيرة
- فنجانين زيت قلي
- فنجان زيت زيتون
طريقة التحضير
- ندهن الصينية بزيت القلي، نعمل الكفتة اقراص بالشكل المرغوب ونصفها في الصينية مع حبتين بطاطا مقطعة بالشكل المطلوب، و نضيف عليها ملح وبهار مشكل وكاس ماء ونضع الصينية بالفرن عالحامي
- نضع في الطنجرة فنجانين زيت قلي ونقلب به البصل والثوم حتى يتغير لونهم عالحامي، ثم نخفض تحته ونضيف اليه البامية وفنجان زيت الزيتون ونقلبه عالهادي حتى يتغير لون البامية
- نضيف اليها الماء المغلي وعلبة رب البندورة ونغطيها عالحامي حتى تنضج البامية
- نفلفل الرز بشعيرية بالطريقة المعهودة
- في هذه الاثناء تكون صينية الكفتة نضجت وجاهزة، نقدمها للاطفال مع الارز، كفتة وشوية بطاطا، وباقي الكفتة نضيفها الى اليخنة ولتغلو مرتين وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد