→ كل الوصفات
ذوقتها في ماكدونالدز عجبتني جدا كانت شكل الفطيرة العادية و جواها صوص التفاح في قررت اعملها اخترعتلها عجينة و طلعت تحفة جدا ❤ يا رب تعجبكوا زي ما عجبتني 😘
المقادير
- كوبايتين دقيق
- 1/2 كوباية سكر مطحون
- 1/2 كوباية سكر عادي
- 1/2 كوباية زيت او سمنة او زبدة
- فانيليا
- كيس بيكينج باودر
- قرفة
- 6 تفاحات و ممكن نزود موز
- بيضة
طريقة التحضير
- هنقشر التفاح و نبشره او نقطعه و نحط عليه السكر العادي و القرفة و نقلبه على نار هادية لحد ما يعمل زي المربى او الكراميل و نسيبه على جنب يبرد
- نخلط الزيت مع السكر الباودر لحد ما يعملو شكل كريمي و بعدين نزود البيضة و البيكينج باودر و الفانيليا و بعدين نضيف الدقيق على فترات و نعجن لحد ما تبقى عجينة ناعمة متماسكة نسيبها ١٠ دقايق ترتاح (الوقت اللي نكون بنعمل فيه الصوص)
- نقسم العجينة نصين نص نفرده في صينية مدهونة بسمنة او زبدة و بعدين نمشي الشوكة عليه كام مرة كدة و نرفع العجينة عند جوانب الصينية و بعدين نحط صوص التفاح عليها و بعدين نفرد العجينة الباقية على حاجة بحيث انها تكون طبقة رفيعة و بعدين نقطها بالسكينة شرايح و نحطها على الوش زي الصورة كدة 😍 و ندخلها الفرن و نسيبها نص ساعة بالكتير على نار هادية (١٨٠°) على الفرن و الشواية مع بعض يا اما نص ساعة في الفرن و خمس دقايق شواية
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد